Gagnlegar upplýsingar

Hafið í huga

  • Velkomin í Yoga Shala. Við viljum að þér líði vel hjá okkur og biðjum þig um ganga hljóðlega og snyrtilega um stöðina.
  • Við notum mindbody appið til að skrá okkur í inn í tíma. Það er hægt gera það úr símanum en einnig í ipadinum við afgreiðsluborðið.
  • Við hvetjum þig til að eignast þína eigin jógamottu og taka hana með þér heim að tíma loknum. Það er hreinlegast og öruggast fyrir alla en einnig er gott að geta iðkað heima líka.
  • Við biðjum þig um að vera með handklæði meðferðis til að þurrka svita.
  • Við leigjum út jógamottur og handklæði ef það skyldi gleymast heima.
  • Vinsamlega æfðu í hreinum æfingafötum og forðastu að vera með sterkt ilmvatn eða rakspíra.
  • Best er að iðka yoga á fastandi maga. Við mælum með að fólk borði ekki 2-3 tímum fyrir. Ef þér finnst þig vantar orku fyrir tímann fáðu þér léttan bita.
  • Mættu tímanlega, það er langbest að lenda í rólegheitum. Ef það eru meira en 10 mínútur liðnar af tímanum biðjum við þig um að fá leyfi hjá kennara til að koma inn eða koma aftur seinna.
  • Láttu kennara ávallt vita ef meiðsli eru til staðar, ef þú átt við veikindi að stríða eða ert barnshafandi  svo hægt sé að aðlaga stöður og hreyfingar að þínum þörfum.
  • Vinsamlega virðið samband kennara og iðkanda og fylgið leiðsögn kennarans.
  • Þegar þú kemur í Mysore tíma ertu beðin/n um að iðka Ashtanga Vinyasa yoga eins og það er kennt af Sri. K Pattabhi Jois og Yoga Shala Reykjavík.
  • Ef þú kannt ekki Ashtanga seríuna eru kennarar meira en tilbúnir að vera þér innan handar. Vinsamlega athugaðu að nýjum stöðum í seríunni er bætt við af kennaranum.
  • Í Mysore tímum er þögn í salnum nema þegar kennari er að leiðbeina nemanda. Iðkendum er frjálst að mæta allan fyrsta klukkutímann.
  • Virtu takmörk þín, bæði líkamleg og andleg. Leitaðu sátta við að líkami og hugur eru í misjöfnu formi frá degi til dags.
  • Ef þú upplifir sterkar tilfinningar á meðan eða eftir iðkun skaltu taka þær í sátt og bjóða þær velkomnar inn í líf þitt. Ef þér finnst þetta erfitt er þér velkomið að tala við kennarann eftir tímann, í fullum trúnaði.
  • Ef þú hefur einhverjar fyrirspurnir varðandi jóga eða ábendingar það sem betur má fara í stöðinni tökum við glöð á móti þeim.