Helgina 22. og 23. ágúst mun Arnbjörg Kristín leiða 10 klukkustunda framhaldsnámskeið í gong spilun í fallegum sal Yoga Shala Reykjavík. Hún mun kenna frekari tækni við spilun og fara dýpra í eðli frumhljóðsins. Arnbjörg mun einnig fara yfir margvíslega slætti og hvernig má nota röddun. Hún mun skoða mismunandi tegundir af gongum, auk þess að fara nánar yfir samspil og hvernig má nota gong við hljóðheilun.

Kennslan fer fram á milli 13:00 og 18:00 báða dagana. Þátttakendur fá tækifæri til að spila á mismunandi gong í gegnum kennsluna og prófa sig áfram með tæknina. Námskeiðið er tilvalið fyrir alla sem hafa lokið grunnnámskeiði í gongspilun.

Athugið að fjöldi þátttakenda er takmarkaður svo bókið pláss tímanlega!

Um Arnbjörgu Kristínu

Arnbjörg Kristín yogakennari, listakona og hljóðheilari kennir námskeiðið. Hún hefur kennt á gong og spilað víða um heim undanfarin 10 ár og hlakkar til að deila hljóðferðalaginu með þér.

Arnbjörg hefur spilað á gong í heilandi tilgangi fyrir einstaklinga og hópa, á fjölda viðburða, við ýmis tilefni svo sem við fæðingar, í brúðkaupum og kennt gongnámskeið á undanförnum árum.