Öndun & Hugleiðsla með Tómasi Oddi fer fram á þriðjudögum og fimmtudögum frá 24. febrúar til 12. mars. Á þessu þriggja vikna námskeiði ferðumst við inn á við, þar sem öndunin verður brú á milli líkama, huga, anda og innri róar.

Þátttakendur læra bæði grunnatriði öndunar og hugleiðslu (pranayama meditation), og kynnast hvernig mismunandi öndunarmynstur geta haft áhrif á líkams- og hugarstarfsemina.

Við skoðum lífeðlisfræðina á bak við öndun, ásamt áhrifum ólíkra æfinga, og setjum þessa þekkingu í samhengi við jógíska heimspeki. Sérstök áhersla verður lögð á vægi öndunar og hugleiðslu til sjálfsþekkingar innan átta liða yoga-kerfisins.

Hver tími felur í sér:

• heimspekilegan inngang til íhugunar
• fræðilegan hluta um öndun og áhrif hennar
• verklegar æfingar sem auðvelda öndun og dýpka meðvitund um hana
• öndunaræfingar
• hugleiðslulotur
• djúpslökun

Hvort sem þú ert að stíga fyrstu skrefin eða dýpka þína eigin iðkun, býður þetta námskeið þér rými til að hlusta inn á við, kyrra hugann, og næra líkamann með meðvitaðri öndun.

Tómas Oddur leiðir og fræðir iðkendur af mikilli fagmennsku og hlýju á námskeiðinu. Þátttakendur verða hvattir til að stunda öndunar og hugleiðsluæfingu heima daglega og fá hlekk með kennslumyndbandi til að fylgja. Tímanir sjálfir fara fram í fallegum sal í Yoga Shala Reykjavík, með öllum aukahlutum og búnaði sem til þarf til að þátttakendur geti komið sér vel fyrir og skapað þægilegt umhverfi fyrir æfingarnar.

UM KENNARANN
Tómas Oddur Eriksson jóga-frumkvöðull, gleðigjafi, náttúru og tónlistarunandi og dans þerapisti með bakgrunn úr sviðslistum og mannvistarlandfræði og markþjálfun hefur yfir áratug af reynslu sem alhliða yoga kennari ásamt heildrænni vinnu með mannslíkaman. Tómas hefur menntað sig víðsvegar um heiminn og er allltaf að bæta við sig þekkingu.

Tómas leiðir iðkendur í núvitund og hreyfingu af mikilli innlifun, hlýju, húmor og gleði. Hann kennir námskeið, opna tíma, einkatíma, gefur nudd og veitir heildrænt hópefli og fyrirlestra fyrir fólk og fyrirtæki. Þá tók Tómas er forsprakki Yoga fyrir Stirða Stráka ásamt yoga og dansviðburðunum vinsælu Yoga Moves Iceland og virkan þátt í uppbyggingu Yoga Shala Reykjavík, þar sem hann leiddi kennaranám ásamt fleirum. Tómas kennir á afslappaðan en þó vandaðan hátt og hefur einstak lag á að draga fram það besta í fólki.