Tökum frá stund til að kjarna okkur inn í nýtt ár með sköpun og slökun að leiðarljósi. Oft setjum við miklar væntingar á nýtt tímabil og mikill hraði mætir okkur þegar við siglum úr rólegum hátíðarhöldum í annir hversdagsleikans. Þessi stund er tækifæri til að taka eftir, stilla líkama og huga og finna fókus inn í nýja árið með mildi og jafnvægi. 

Sköpun og Slökun með Auði Bergdísi fer fram sunnudaginn 28. desember kl. 16:00, á fullkomnum tíma, rétt fyrir áramótin. Við byrjum á því að kjarna okkur í hugvekju og jógastöðum sem næra líkamann. Í jógaflæðinu spilar tónlistarmaðurinn Lazy Wizard frumsamda tónlist, skapaða á staðnum og innblásna af rýminu. Því næst virkjum við sköpunarkraftinn með samveru þar sem við sköpum klippimyndir sem leiðarljós inn í nýja árið.

Allt efni innifalið og öll velkomin!

Frábær viðburður fyrir mæðgur, pör eða vinkonur.