STYRKTU SAMBANDIÐ VIÐ ÞIG

Á þessu námskeiði leiðir Kolbrún þig inn á við, þar sem ró, jafnvægi og innri styrkur fá að vaxa. Þú lærir að mæta öldum lífsins með meiri festu, skýrleika og mýkt.

Á Styrktu sambandið við þig beinir þú athyglinni að innri samskiptum, hugsunum, tilfinningum og viðhorfum og eflir þar með getu þína til að virkja eigin styrkleika, bæta lífsgæði og skapa meiri vellíðan í daglegu lífi.

Kolbrún nýtir samþætta, nærandi nálgun sem byggir á:

• Jógaþerapíu með mjúkum, djúpum og opnandi stöðum sem næra líkama og hjálpa til við að losa um bandvef.
• Yoga Nidra djúpslökun sem styður endurheimt og innri kyrrð.
• Gong-tónheilun sem vinnur á djúpum sviðum líkama, huga og tilfinninga.

Þessi samsetning getur hjálpað þér að draga úr langvarandi streitu, losa um spennu og tilfinningalegar stíflur og styrkja taugakerfið fyrir meiri jafnvægi og vellíðan.

Námskeiðið stendur í 5 vikur frá 6. janúar til 3. febrúar, á þriðjudögum frá kl. 17:00 til 18:30. Þú færð rafræna bók með fróðleik og verkefnum sem styðja dýpri tengingu við sjálfa/n þig.

Ávinningur námskeiðsins:

• Minnkar spennu og uppsafnað álag
• Bætir svefn, orku og einbeitingu
• Skapar rými til að sleppa gömlum mynstrum og móta nýjar, heilbrigðar venjur
• Styður skýrleika, sjálfstraust og jafnvægi í daglegu lífi
• Eykur tengsl við líkama, huga og tilfinningar

Leitaðu inn á við, þar búa töfrarnir, svörin og krafturinn. Þar getur þú gert breytingarnar sem eru nausynlegar til að finna aukið jafnvægi og styrk.

Kolbrún er með yfir 10 ára reynslu í mannauðsmálum og sem markþjálfi. Hún hefur lært tónheilun og er með kennararéttindi í yoga og yoga nidra. Hún trúir á mikilvægi þess að tengja saman hugræna, líkamlega og tilfinningalega þætti til að styrkja tenginguna við okkur sjálf og finna innra jafnvægi.

Kolbrún segir: "Lífsreynslan mín hefur kennt mér að sannur styrkur sprettur innan frá, þegar við leyfum okkur að hægja á, vera vitni af okkur sjálfum í hlýju og án dóma, tengjast kjarnanum okkar og vaxa í takt við okkar eigin styrk. Ástríða mín liggur í því að skapa öruggt og nærandi rými þar sem fólk getur fundið jafnvægi, tengingu og trú á eigin kraft. Ég trúi því af heilum hug að við fæðumst öll með einstök fræ, hæfileika, innsæi og möguleika sem bíða þess að verða vökvuð og nærð til þess að vaxa og dafna."