Nei, alls ekki. Hvað er að vera "góður" iðkandi í yoga? Þú þarft ekki að geta staðið á haus eða farið í lótus til að komast í námið. Ef þú hefur ástríðu fyrir að læra um líkamann og hugann, að lyfta öðrum upp, sjá fólk blómstra og líða betur þá er þetta nám fyrir þig.  Þú ert í öruggum höndum hjá virklega færum kennurum og undir lok námsins mun það sannarlega koma þér á óvart að finna hvernig þín eigin iðkun hefur dýpkað og breyst. Við mælum með að umsækjendur hafi iðkað yoga reglulega í  a.m.k. 6 mánuði áður en námið hefst.

Nemendur fá fjölbreytta þjálfun, með áherslu á yoga flæði (e. Vinyasa flow). Saman köfum við ofan í allar helstu grunnstöðurnar (e. Asanas) sem eru notaðar í flæði tímum. Námið er mjög ítarlegt og kennaranemar koma til með að geta búið til og kennt sína eigin tíma undir lok námsins.

Yoga flæðið bindur þessa aðferðafræði saman og mun reynast traustur grunnur fyrir útskrifaða kennara að byggja upp frá.

Í hnotskurn snýst yoga flæði um að tengja saman öndun, hreyfingu og líkamsstöður. Í kennaranáminu lærir þú að skapa umhverfi, með margvíslegum jógískum æfingum, þar sem iðkendur geta upplifað flæði.

Aðalkennarar og umsjónarmenn námsins eru Ingibjörg Stefánsdóttir og Klara Kalkusova, en auk þeirra fáum við inn marga frábæra gestakennara sem miðla sinni kunnáttu og visku.

Ingibjörg og Klara hafa þær margra áratuga reynslu af iðkun og kennslu í yoga á fjölbreyttu sviði og hafa mikla ástíðu fyrir því að hjálpa fólki að læra og vinna að því að eflast á sinni persónulegu vegferð.

Þrátt fyrir að námið sé persónuleg vegferð hvers og eins nemanda hefur ávallt myndast jákvæð samheldni innan hópsins, en það er eðli námsins að nánd skapast á milli þeirra sem feta þessa námsleið saman og við hvetjum nemendur til að halda hópinn og hjálpa hvoru öðru á meðan námið stendur yfir.

Við byrjum ferðalagið föstudaginn 5. september 2025 með opnunarathöfn þar sem allir nemendur hittast í fyrsta skiptið. Námið hefst svo formlega daginn eftir. 

Fullt verð fyrir kennaranámið er 545.000 kr, við bjóðum upp á snemmskráningu til 1. ágúst upp á 495.000 kr.  Hægt er að dreifa greiðslum fyrir námið (þetta gildir bæði fyrir almennt verð og snemmskráningu). Umsækjendur eru beðnir um að greiða 50.000 kr  staðfestingargjald áður en námið hefst til að tryggja sér pláss. Staðfestingargjaldið fæst ekki endurgreitt. 

Um leið og staðfestingargjald eða námið er greitt opnast aðgangur að tímum í stöðinni. Við hvetjum nemendur til að nýta sér það og byrja að koma í yoga tíma við fysta tækifæri, koma til okkar í sumar og hita sig upp fyrir námið.

Umsókn og fyrirspurnir   sendist með tölvupósti. Segðu okkur hvað þú heitir, hvaða fyrri reynslu þú hefur af Yoga og símanúmer og sendu inn umsókn á: namskeid@yogashala.is