Helgina 2. og 3. september mun Arnbjörg Kristín leiða framhalds-námskeið í gong spilun í Yoga Shala Reykjavík. Hún mun kenna frekari tækni við spilun og fara dýpra í eðli frumhljóðsins. Hún mun einnig fara yfir margvíslega slætti, skoða mismunandi tegundir af gongum, auk þess að fara yfir samspil og hvernig má nota gong við hljóðheilun.

Kennslan fer fram milli klukkan 13:00 og 19:00 laugardaginn 2. september og frá 13:00 til 17:00 sunnudaginn 3. september í Yoga Shala Reykjavík og stendur því samtals 10 klukkustundir.

Athugið að fjöldi þátttakenda er takmarkaður svo bókið pláss tímanlega!

Um Arnbjörgu Kristínu

Arnbjörg Kristín yogakennari, listakona og hljóðheilari kennir námskeiðið. Hún hefur kennt á gong og spilað víða um heim undanfarin 10 ár og hlakkar til að deila hljóðferðalaginu með þér.