Helgina 20. og 21. janúar mun Arnbjörg Kristín leiða grunnnámskeið í gong spilun þar sem hún kennir réttu handtökin við spilun, leiðir þátttakendur í gegnum sögu gongsins, mismunandi ásláttaraðferðir og núvitundar hugleiðsluaðferðir.

Kennslan fer fram milli klukkan 13:00 og 20:00 laugardaginn 20. janúar og frá 13:00 til 16:00 sunnudaginn 21. janúar í Yoga Shala Reykjavík og stendur samtals 10 klukkustundir.

Athugið að fjöldi þátttakenda er takmarkaður.

Um Arnbjörgu Kristínu

Arnbjörg Kristín yogakennari, listakona og hljóðheilari kennir námskeiðið. Hún hefur kennt á gong og spilað víða um heim undanfarin 10 ár og hlakkar til að deila hljóðferðalaginu með þér.