Nei, alls ekki. Hvað er að vera "góður" iðkandi í Yoga? Þú þarft ekki að geta staðið á haus eða farið í lótus til að komast í námið. Ef þú hefur ástríðu fyrir að læra um líkamann og hugann, að lyfta öðrum upp, sjá fólk blómstra og líða betur þá er þetta nám fyrir þig.  Þú ert í öruggum höndum hjá virklega færum kennurum og undir lok námsins mun það sannarlega koma þér á óvart að finna hvernig þín eigin iðkun hefur dýpkað og breyst. Við mælum hinsvegar með að umsækjendur hafi iðkað yoga reglulega í  a.m.k 6 mánuði áður en námið hefst.

Nemendur fá fjölbreytta þjálfun, með áherslu á "Yoga-flæði" (e. Vinyasa flow). Saman köfum við ofan í allar helstu grunnstöðurnar (e. Asana) sem farið er í í flæði tímum. Þannig munu kennaranemar geta búið til og kennt sína eigin tíma undir lok námsins.

Yoga flæðið bindur þessa aðferðafræði saman og mun reynast traustur grunnur fyrir útskrifaða kennara að byggja upp frá.

Í hnotskurn snýst Yoga flæði um að tengja saman öndun, hreyfingu og líkamsstöður. Í kennaranáminu lærir þú að skapa umhverfi, með margvíslegum jógískum æfingum, þar sem iðkendur geta upplifað flæði.

Aðalkennarar og umsjónarmenn námsins eru Ingibjörg Stefánsdóttir og Klara Kalkusova auk frábærra gestakennara.

Saman hafa þau margra áratuga reynslu af iðkun og kennslu í Yoga á fjölbreyttu sviði og hafa þau öll mikla ástíðu fyrir því að hjálpa fólki að læra og vinna að því að eflast á sinni persónulegu vegferð.

Þrátt fyrir að námið sé persónuleg vegferð hvers og eins nemanda hefur ávallt myndast jákvæð samheldni innan hópsins, en það er eðli námsins að nánd skapast á milli þeirra sem feta þessa námsleið saman og við hvetjum nemendur til að halda hópinn og hjálpa hvoru öðru á meðan námið stendur yfir.

Við byrjum ferðalagið föstudaginn 15. september 2023 með opnunarathöfn þar sem allir nemendur hittast í fyrsta skiptið. Námið hefst svo formlega daginn eftir.  Snemmskráning gildir til 1.ágúst og er 495.000 kr. Hægt er að dreifa á þrjár greiðslur.  Fullt verð er 520.000 kr. Umsækjendur eru beðnir um að greiða staðfestingargjald 50.000 kr áður en námið hefst til að tryggja sér pláss.  Staðfestingargjald fæst ekki endurgreitt.  Um leið og staðfestingargjald eða námið er greitt opnast aðgangur að tímum í stöðinni. Við hvetjum nemendur til að nýta sér það og byrja að koma í yogatíma til okkar í sumar og hita sig upp fyrir námið.

Umsókn og fyrirspurnir sendist með tölvupósti. Segðu okkur hvað þú heitir, hvaða fyrri reynslu þú hefur af Yoga og símanúmer og sendu inn umsókn á:

namskeid@yogashala.is